Osiyo Chempionlar ligasi doirasida chorshanba kuni "Shanxay Shenxua" o'z maydonida "Vissel Kobe"ni qabul qildi. Xitoydagi bahsda yapon klubi 2:0 hisobida g'alaba qozondi. Bu haqda euro-football.ru xabar beradi.
Mehmonlar ikki golni ham tanaffusgacha urishga ulgurdi: 32-daqiqada Yosuke Ideguchi hisobni ochdi, 39-daqiqada esa Tetsushi Yamakava ustunlikni mustahkamladi. Leonid Slutskij jamoasi ikkinchi bo'limda vaziyatni o'zgartira olmadi.
Ushbu natijadan so'ng "Vissel Kobe" OFK Chempionlar ligasidagi guruhida peshqadamlikni saqlab turibdi: besh turdan keyin jamoa 15 ochkodan 12 tasini jamg'argan. "Shanxay Shenxua" esa atigi 4 ochko bilan jadvalning quyi qismida qolmoqda.
Eslatib o'tamiz, "Shanxay Shenxua" Xitoy chempionatida ketma-ket ikkinchi yil kumush medallarni qo'lga kiritgan.
“Zamin”ni Telegramʻda oʻqing!
