“Liverpul” bosh murabbiyi Arne Slot “Everton”ga qarshi 2:1 hisobidagi g‘alabadan keyin o‘z fikrlarini bildirib, jamoa uchun bu o‘yinning ahamiyati katta bo‘lganini taʼkidladi.
Uning aytishicha, muxlislar “Liverpul”ning “PSJ” va “Manchester Siti”ga qarshi o‘yinlarini ko‘rgan, ammo o‘sha bahslarda natija salbiy bo‘lgan. Shunga qaramasdan, jamoa maydonda yuqori darajadagi o‘yin ko‘rsatgan.
Slot mavsum davomida tarkibdagi ko‘plab yo‘qotishlar jamoa natijalariga jiddiy taʼsir qilganini, bu esa bir nechta muhim ochkolar yo‘qotilishiga sabab bo‘lganini aytdi. Uning fikricha, bugungi g‘alaba muxlislar uchun ham, jamoa uchun ham katta quvonch manbai bo‘lgan.
“Biz bu g‘alabadan zavq oldik — men, murabbiylar shtabi va futbolchilar. Hammamiz uchun bu muhim. Muxlislar bilan oramizda farq yo‘q, hammamiz yaxshiroq mavsum o‘tkazishni xohlaymiz, lekin baʼzi sabablar tufayli bu amalga oshmadi,” — dedi u.
Shuningdek, Arne Slot misol sifatida bir jamoada ikki darvozabonning bir vaqtda jarohat olishi juda kam uchrashini taʼkidlab, mavsumning noodatiy va murakkab kechganini aytdi.
U xulosada “Liverpul”ning “Everton” ustidan 2:1 hisobidagi g‘alabasi eng muhim jihat ekanini alohida qayd etdi.
“Zamin”ni Telegramʻda oʻqing!
