UFC‘ning o‘rta vazn toifasidagi amaldagi chempioni Hamzat Chimayev MMA afsonasi Xabib Nurmagomedov bilan munosabatlari haqida ochiq fikr bildirdi. Uning aytishicha, ular o‘rtasida ayrimlar o‘ylaganidek hech qanday ziddiyat mavjud emas:
- "Biz Xabibga qoyil qolib ulg‘ayganmiz va hali ham shunday", - dedi Hamzat.
Chimayev Xabibni juda yuqori baholab, uni sport tarixidagi eng buyuk jangchilardan biri sifatida taʼrifladi. U bolaligidanoq Xabibdan ilhom olganini, hozir ham unga nisbatan hurmat saqlashini aytdi:
- "U tarixdagi eng buyuk jangchilardan biri", - dedi Chimayev.
Chempionga ko‘ra, ijtimoiy tarmoqlarda ular o‘rtasida tushunmovchilik bor degan fikrlar tarqalgan, ammo bu real holatni aks ettirmaydi. Chimayev Xabibni yaqin inson sifatida ko‘rishini taʼkidladi:
- "Odamlar men va u o‘rtasida qandaydir muammo bor deb o‘ylaydi, biroq bu haqiqat emas. Xabib menga yoqadi. U mening musulmon akam", - dedi Hamzat Chimayev.
Uning so‘zlariga ko‘ra, ikkalasi ham kamtar sharoitdan chiqqan va bir-birini yaxshi tushunadi. Shu bois u Xabibni “aka” deb atab, islomiy birodarlik aloqasini alohida qayd etdi:
“ U ham men kabi kambag‘al qishloqdan. Biz aka-uka kabimiz”, — deya Chimayev munosabatlarni qisqa va aniq ifodalagan.
Eslatib o‘tamiz, Xamzat Chimayev navbatdagi jangini 10 may kuni UFC 328 turnirida amerikalik Shon Striklendga qarshi o‘tkazadi.
“Zamin”ni Telegramʻda oʻqing!
