Milaning «Inter» jamoasi bosh murabbiyi Kristian Kivu A Seriyadagi chempionlik poygasi borasida o‘z pozitsiyasini aytdi. Bu haqda euro-football.ru xabar beradi.
Yakshanba kuni «neradzurrilar» safarda «Sassuolo»ni yirik hisobda tor-mor etdi — 5:0. Shu natijadan so‘ng «Inter» ikkinchi o‘rindagi «Milan»dan farqni sakkiz ochkogacha oshirdi, «rossonerilar»ning esa bitta o‘yini zaxirada qolmoqda.
Uchrashuvdan keyin jurnalistlar Kivudan skudetto uchun kurashdagi imkoniyatlarni so‘raganida, ruminiyalik mutaxassis kutilmagan javob qaytardi.
«Hozircha — nol foiz. Oldinda yana juda ko‘p o‘yin bor, juda ko‘p ochkolar o‘ynaladi. Faqat bizgina katta maqsad qo‘ymayapmiz. Oldinda og‘ir mehnat turibdi», — dedi Kivu DAZN’ga bergan intervyusida.
Keyingi shanba, 14-fevral kuni «Inter» A Seriyaning 25-turi doirasida o‘z maydonida «Yuventus»ni qabul qiladi.
“Zamin”ni Telegramʻda oʻqing!
