Braziliya terma jamoasi va Madridning “Real” klubida to‘p surgan sobiq futbolchi Roberto Karlos 41 yoshli hujumchi Krishtianu Ronalduning faoliyatida 1000 gol urish maqsadi yuzasidan fikr bildirdi. Bu haqda euro-football.ru xabar beradi.
“Ronalduning muxlislari uchun Krishtianuning tarix yaratib, yangi rekordlar o‘rnatayotganini ko‘rish juda yoqimli. 1000 ta gol urgan yagona futbolchi Pele bo‘lgan. Ronaldu ham bu ro‘yxatni to‘ldirishi mumkin”, — deya Karlosning so‘zlarini O Jogo nashri keltirdi.
Joriy mavsumda yulduz hujumchi Saudiya Arabistonidagi jamoasi safida 22 uchrashuvda maydonga tushib, 18 gol urdi va 3 ta golli uzatmani amalga oshirdi. Shuningdek, Ronaldu Saudiya ligasi ichidagi transfer siyosatidan norozi bo‘lgani sabab “Al-Nasr”ning so‘nggi o‘yinlarida ishtirok etmay, ularni boykot qilgani aytilmoqda.
“Zamin”ni Telegramʻda oʻqing!
