Бразилия терма жамоаси ва Мадриднинг “Реал” клубида тўп сурган собиқ футболчи Роберто Карлос 41 ёшли ҳужумчи Криштиану Роналдунинг фаолиятида 1000 гол уриш мақсади юзасидан фикр билдирди. Бу ҳақда euro-football.ru хабар беради.
“Роналдунинг мухлислари учун Криштианунинг тарих яратиб, янги рекордлар ўрнатаётганини кўриш жуда ёқимли. 1000 та гол урган ягона футболчи Пеле бўлган. Роналду ҳам бу рўйхатни тўлдириши мумкин”, — дея Карлоснинг сўзларини O Jogo нашри келтирди.
Жорий мавсумда юлдуз ҳужумчи Саудия Арабистонидаги жамоаси сафида 22 учрашувда майдонга тушиб, 18 гол урди ва 3 та голли узатмани амалга оширди. Шунингдек, Роналду Саудия лигаси ичидаги трансфер сиёсатида норози бўлгани сабаб “Ал-Наср”нинг сўнгги ўйинларида иштирок этмай, уларни бойкот қилгани айтилаяпти.
“Zamin”ни Telegram'да ўқинг!
