SSSR terma jamoasining sobiq darvozaboni Aleksandr Uvarov Rossiya va Isroil terma jamoalari o‘rtasida uchrashuv o‘tkazilishi ehtimolini tilga oldi. Ayni paytda u Tel-Avivning «Makkabi» klubi yoshlar jamoasida darvozabonlar murabbiyi bo‘lib ishlamoqda. Bu haqda euro-football.ru xabar beradi.
Uvarovning fikricha, bu o‘yin uchun jiddiy to‘siqlar yo‘q. U Rossiya tomoni tashabbus ko‘rsatsa, 2026 yilda Rossiya – Isroil bahsini ko‘rish mumkinligini Metaratings nashriga aytgan.
Shuningdek, mutaxassis Rossiya va Isroil futbol federatsiyalari o‘rtasidagi aloqalar juda yaxshi ekanini ta’kidladi.
Eslatib o‘tamiz, sanksiyalar sharoitida Rossiya terma jamoasi hozircha faqat o‘rtoqlik uchrashuvlarini o‘tkazmoqda. Mart oyidagi navbatdagi yig‘in uchun raqiblar hali rasman e’lon qilinmagan.
“Zamin”ni Telegramʻda oʻqing!
