Shevchenko Italiyaning Roma taklifini rad etganini esladi

2006 yilda ukrainalik hujumchi Andrey Shevchenko Italiyani tark etib, faoliyatini Angliyada davom ettirish uchun yoʻl oldi. Biroq ikki yil o‘tib, Premyer-ligada ishlar u kutgandek ketmagani ayon bo‘lgach, u yana A Seriyaga qaytish imkoniyatiga ega bo‘lgan. Bu haqda euro-football.ru xabar beradi.

Shevchenkoning aytishicha, 2008 yilda uni o‘sha paytda “Roma”ni boshqargan Luchano Spalletti jamoaga chorlagan, ammo futbolchi bu taklifni qabul qilmagan. “Agar Italiyaga qaytadigan bo‘lsam, faqat ‘Milan’ga qaytardim”, — deya uning so‘zlarini pianetamilan.it keltiradi.

So‘nggi yillarda Shevchenko murabbiy sifatida uncha katta muvaffaqiyat qayd eta olmadi, shuningdek, siyosatda ham o‘zini sinab ko‘rishga uringan.

Abror Tovmurodov

«ZAMIN.UZ» muharriri