«Kairat» himoyachisi Aleksandr Martynovich Yevropa Chempionlar ligasidagi so'nggi o'yindan keyin «Arsenal» futbolchisi Kayo Haverts bilan bo'lgan qiziqarli suhbat tafsilotlarini aytib berdi. Uning so'zlariga ko'ra, londonlyik futbolchiga Martynovichning chehrasi juda tanish tuyulgan. Bu haqda euro-football.ru xabar beradi.
Martynovichning ta'kidlashicha, Haverts: «Negadir yuzingiz menga juda tanish», degan. Bunga javoban Aleksandr avvalroq «Bayer»ga qarshi o'yinlarda yaxshi chiqish qilganini, keyinroq esa Haverts «Chelsi» safida bo'lgan paytda ham bir necha bor to'qnash kelishganini eslatgan.
Shuningdek, Martynovich o'z kolleksiyasida Havertsning o'yin futbolkasi borligini ham qo'shib o'tdi. Eslatib o'tamiz, Aleksandr avval Rossiyada ham to'p surib, «Krasnodar», «Ural» va «Rubin» klublarida o'ynagan.
Ma'lumot uchun, «Arsenal» va «Kairat» yanvar oxirida Chempionlar ligasi umumiy bosqichining so'nggi turida uchrashgan. Londonda bo'lib o'tgan bahsda mezbonlar 3:2 hisobida g'alaba qozongan.
“Zamin”ni Telegramʻda oʻqing!
