Italiya A Seriyasining navbatdagi turida «Inter» jamoasi «Torino» mehmoni bo'ladi. Agar «neradzurrilar» Turinda g'alaba qozonsa va «Milan» jamoasi «Yuventus»ni mag'lub eta olmasa, Simone Inzagi shogirdlari muddatidan oldin chempionlikni rasmiylashtiradi. Bu haqda Goal.com xabar beradi.
«Inter» ayni damda ajoyib sport formasida bo'lib, ketma-ket to'rtta o'yinda g'alaba qozondi. Jamoa ushbu uchrashuvlarda raqiblar darvozasiga kamida uchtadan gol urishga muvaffaq bo'ldi.
Shuningdek, milanliklar 2019-yildan buyon «Torino»ga imkoniyatni boy bermay kelmoqda.
Mezbonlar ustozi Roberto D'Aversa jamoaga kelganidan so'ng «Torino» o'z o'yinini sezilarli darajada yaxshiladi. Turindagi so'nggi yetti o'yinning to'rttasida g'alaba qozonilgan bo'lsa-da, chempionlikka intilayotgan «Inter»ga qarshi bahs jamoa uchun jiddiy imtihon bo'lishi kutilmoqda.
Tarkibdagi yo'qotishlarga kelsak, «Inter» safida jarohatidan tiklanayotgan sardor Lautaro Martines va to'pig'idan jarohat olgan Alessandro Bastoni maydonga tushishi so'roq ostida turibdi. «Torino» tarkibida esa Duvan Sapata zaxira o'rindig'iga qaytishi kutilmoqda.
“Zamin”ni Telegramʻda oʻqing!
