Germaniya terma jamoasi hujumchisi Niklas Fullkrug yozgi transfer oynasida Bundesligaga qaytishi kutilmoqda. Hozirda "Milan" klubida ijara asosida to'p surayotgan 33 yoshli futbolchining kelajagi so'roq ostida qolmoqda. Bu haqda Goal.com xabar beradi.
"Volfsburg" klubi tajribali hujumchini o'z safiga qo'shib olish uchun barcha imkoniyatlarni ishga soladi. Transfer jurnalisti Florian Plettenbergning so'zlariga ko'ra, ushbu kelashuv klubning Bundesligadagi o'rnini saqlab qolishiga bog'liq bo'lib turibdi.
Hozirda "Volfsburg" turnir jadvalining quyi pog'onasida bormoqda va elitada qolish uchun kurashmoqda. Agar jamoa o'z o'rnini saqlab qolsa, Fullkrugni tarkibga jalb etish bo'yicha muzokaralar jadallashadi.
Fullkrugning huquqiy egasi bo'lgan "Vest Xem" hujumchini deyarli tekinga qo'yib yuborishga tayyor. London klubi futbolchini maoshlar ro'yxatidan chiqarishni maqsad qilgan, chunki u Angliya premyer ligasida o'zini ko'rsata olmadi.
Hujumchi o'tgan mavsumda "Borussiya Dortmund" safida 15 ta gol urib, Chempionlar ligasi finaliga chiqishda katta hissa qo'shgan edi. Biroq "Vest Xem"ga 27 million yevro evaziga o'tgach, jarohatlar tufayli o'z formasini yo'qotib qo'ydi.
Shuningdek, Bundesligaga qaytishga yaqin turgan "Shalke" klubi ham Fullkrug variantini ko'rib chiqmoqda. Gelzenkirxenliklar uni faoliyatini yakunlashi mumkin bo'lgan Edin Jeko o'rniga munosib nomzod deb hisoblamoqda.
“Zamin”ni Telegramʻda oʻqing!
