"Manchester Yunayted" "Brentford"ni mag'lub etib, Chempionlar ligasiga chiqish imkoniyatini oshirdi
"Manchester United" "Brentford"ni 2:1 hisobida mag'lub etib, Chempionlar ligasiga chiqish imkoniyatini oshirdi. Ushbu g'alaba bilan "qizil iblislar" PFL turnir jadvalida uchinchi o'ringa ko'tarildi va "Brighton"dan 11 ochkoga oldinda. Kazemiro va Benjamin Sesko tomonidan kiritilgan gollar jamoaning muvaffaqiyatiga katta hissa qo'shdi. Jamoa sardori Bruno Fernandes esa 19-assist bilan PFL rekordchilariga yaqinlashmoqda.
"Manchester Yunayted" o'z maydonida "Brentford" jamoasini 2:1 hisobida mag'lub etdi. Ushbu g'alaba evaziga "qizil iblislar" Angliya Premyer ligasi turnir jadvalida uchinchi o'ringa ko'tarilib oldi. Bu haqda Goal.com xabar beradi.
Endilikda jamoa oltinchi o'rindagi "Brayton"dan 11 ochkoga o'zib ketgan holda, uch yillik tanaffusdan so'ng Chempionlar ligasiga qaytish imkoniyatini deyarli kafolatladi.
Uchrashuvning 12-daqiqasida Kazemiro boshi bilan darvozani ishg'ol qilib, mezbonlarni hisobda oldinga olib chiqdi. Bu braziliyalik yarim himoyachining so'nggi sakkizta o'yindagi to'rtinchi goli bo'ldi.
Birinchi bo'lim yakunlanishi arafasida Benjamin Sesko Bruno Fernandesning uzatmasidan so'ng hisobni 2:0 ko'rinishiga keltirdi. Bu gol sloveniyalik hujumchi uchun joriy mavsumdagi o'ninchi gol bo'lib, u klubning eng yaxshi to'purariga aylandi.
Jamoa sardori Bruno Fernandes ushbu bahsda o'zining mavsumdagi 19-golli uzatmasini amalga oshirdi. U Premyer liga rekordchilari Kevin De Bruyne va Tyerri Anrining natijasiga yetish uchun yana bitta assist amalga oshirishi kifoya.
O'yin yakunida Matias Jensen bitta javob to'pini kiritgan bo'lsa-da, "Manchester Yunayted" g'alabani saqlab qolishga muvaffaq bo'ldi.
Izohlar 0
…