"Bosch" va "Ecovacs" kompaniyalari zamonaviy oshxonalar uchun mo'ljallangan yangi robot-changyutgich modelini taqdim etdi. Qurilmaning asosiy xususiyati shundaki, u ishlatilmayotgan vaqtda maxsus dok-stansiya yordamida oshxona javoni ichiga to'liq yashirinadi. Bu haqda Ixbt.com xabar beradi.
Yangi texnologiya yordamida tozalash stansiyasi mebelning bir qismiga aylanadi. Qurilmani suv ta'minoti va kanalizatsiya tizimiga ulash imkoniyati mavjud bo'lib, bu foydalanuvchini suv idishlarini qo'lda to'ldirish yoki bo'shatish tashvishidan xalos etadi.
Tozalashdan so'ng stansiya mikrofibra salfetkalarni 75 daraja issiq havoda dezinfeksiya qiladi va 45 darajali oqim bilan quritadi.
Robotning balandligi 8,4 santimetrni tashkil etib, u mebellar ostiga bemalol kira oladi. Uning so'rish quvvati 20 000 Pa ga teng bo'lib, bu "Bosch"ning avvalgi modellaridan sezilarli darajada yuqori ko'rsatkichdir.
Sun'iy intellekt yordamida qurilma yo'lidagi buyumlarni taniydi va 2 santimetrgacha bo'lgan to'siqlardan o'ta oladi.
Chang yig'ish uchun 2 litrli qopdan foydalaniladi. Yangi model joriy yilning bahor oylarida sotuvga chiqishi kutilmoqda.
Hozircha qurilmaning aniq narxi e'lon qilinmagan bo'lsa-da, mutaxassislar uning arzon bo'lmasligini ta'kidlamoqda.
“Zamin”ni Telegramʻda oʻqing!
