“Inter”ning sobiq futbolchisi Antonio Paganin “Napoli” o‘tgan mavsum qo‘lga kiritgan chempionlik unvonini bu safar himoya qila olishiga shubha bildirdi. Uning fikricha, turnir jadvalida hozircha neapolliklar ortda bo‘lsa ham, “Yuventus” Milan klublari o‘rtasidagi chempionlik poygasiga jiddiy aralasha oladi. Bu haqda euro-football.ru xabar beradi.
Paganin, shuningdek, murabbiy Luchano Spallettining ishini yuqori baholab, uning milliy jamoa bilan omadsiz davri nega yuz berganini hanuz tushunmasligini aytdi. “Milan”ning muhim ustunligi sifatida ularning kubok o‘yinlarisiz harakat qilishini ko‘rsatdi, “Inter” esa ochkolar bo‘yicha oldinda bo‘lsa-da, oldinda derbi va yana bir qator hal qiluvchi uchrashuvlar borligini ta’kidladi. “Hamma narsani 8 mart kuni bo‘ladigan derbi hal qiladi”, — deya Paganinning so‘zlarini fcinter1908.it keltirdi.
Eslatib o‘tamiz, Antonio Paganin 1990–1995 yillarda “Inter” safida to‘p surgan.
“Zamin”ni Telegramʻda oʻqing!
