«Man Siti»ning sobiq hujumchisi Pol Dikov jamoaning yangi yulduzi Rayan Sherki va murabbiy Pep Gvardiola o'rtasidagi murakkab munosabatlar haqida gapirdi. Uning so'zlariga ko'ra, fransiyalik pleymeyker o'zining erkin o'yin uslubi bilan murabbiyni goh hayratga soladi, goh g'azablantiradi. Bu haqda Goal.com xabar beradi.
Sherki «Lion» klubidan 34 million funt sterling evaziga sotib olingan edi. 22 yoshli futbolchi Manchester klubi bilan 2030-yilgacha mo'ljallangan shartnoma imzolagan.
Mutaxassislar uning transferini jamoa uchun juda foydali kelishuv deb baholamoqda.
Gvardiola odatda maydonda qat'iy tartib va taktik intizomni talab qiladi. Biroq Sherki Ronaldinyo yoki Neymar kabi kutilmagan harakatlar qilishni xush ko'radigan ijodkor futbolchilar sirasiga kiradi.
Uning «Arsenal»ga qarshi final o'yinidagi fintlari mutaxassislar o'rtasida qizg'in bahslarga sabab bo'ldi.
Dikovning ta'kidlashicha, Gvardiola futbolchining mehnatsevarligini yuqori baholaydi. Sherki «Man Siti» asosiy tarkibida qolish uchun maydonda bor kuchi bilan harakat qilishi kerakligini yaxshi tushunadi.
Bu esa murabbiyning unga bo'lgan ishonchini oshirmoqda.
Joriy mavsumda Rayan Sherki barcha musobaqalarda 10 ta gol urdi va 13 ta golli uzatmani amalga oshirdi. Hozirda jamoa Angliya kubogi finaliga chiqqan va Premyer-ligada chempionlik uchun kurashni davom ettirmoqda.
“Zamin”ni Telegramʻda oʻqing!
