Turinning «Yuventus» klubi sobiq futbolchisi Alessandro del Pyero Milanning «Inter» jamoasi himoyachisi Alessandro Bastonining uzr so‘rashiga fikr bildirdi. Bastoni jamoalar o‘rtasidagi so‘nggi uchrashuvda «keksa sinyora» futbolchisi Pyer Kalulyu maydondan chetlatilgan paytda buni keskin tarzda nishonlab yuborgani uchun tanqidga uchragan edi. Bu haqda euro-football.ru xabar beradi.
Del Pyeroning aytishicha, Bastonining bu qarori ijobiy qadam. U vaziyatni qayta ko‘rib chiqib, o‘z xatosini tan olgani hurmatga loyiq ekani, hech kim mukammal bo‘lolmasligi va aynan xatolar orqali yanada yaxshilanib borish mumkinligini ta’kidladi.
Eslatib o‘tamiz, «Inter» — «Yuventus» bahsi o‘tgan dam olish kunlari bo‘lib o‘tdi. Safarda o‘ynagan «Yuventus» 2:3 hisobida mag‘lub bo‘ldi.
“Zamin”ni Telegramʻda oʻqing!
