"Bavariya" bosh murabbiyi Vensan Kompani Myunxen klubiga qaysi futbolchini olib kelishni istashi haqidagi savolga javob berdi. Bu haqda euro-football.ru xabar beradi.
Mutaxassis matbuot anjumanida uning asosiy vazifasi hozirgi tarkibdagi o'yinchilar bilan samarali ishlash ekanini ta'kidladi. Transfer masalalarida esa klubda boshqa mas'ullar borligini eslatdi.
"Mening vazifam — mavjud futbolchilarimiz eng yaxshilar ekanini aytish va ular bilan ishlash. Men Garri Keyn, Maykl Olise, Luis Dias, Jamal Musiala va boshqalar bilan birga ishlashni xohlayman. Yozda nima bo'lishini ko'ramiz", — dedi Kompani.
Vensan Kompani "Bavariya"ni 2024 yil yozida qabul qilib olgandi. Uning qo'l ostida myunxenliklar Bundesligani hamda Germaniya Superkubogini qo'lga kiritdi.
“Zamin”ni Telegramʻda oʻqing!
