La Liganing 25-turida "Vilyarreal" o'z maydonida "Valensiya"ga qarshi derbida xarakter ko'rsatib, 2:1 hisobida g'alaba qozondi. Bu haqda euro-football.ru xabar beradi.
Uchrashuvning birinchi taym o'rtalarida mehmonlar foydasiga bahsli penalti belgilandi. Larg'i Ramazani zarbani o'ng past burchakka aniq yo'lladi — darvozabon esa qarama-qarshi tomonga sakradi (0:1). Tez orada Pape Guyye chap qanotdan hujumni tezlatib, jarima maydoni uzoq burchagiga uzatma berdi. Ayose Peresning boshi bilan yo'llagan zarbasini himoyachi to'sdi, qaytgan to'pni esa Santi Komesanya yaqin masofadan deyarli bo'sh darvozaga joylab qo'ydi — 1:1.
Bir nechta xavfli vaziyatlardan so'ng taym yakunida "Vilyarreal" yana oldinga chiqib oldi. 45-daqiqada Pape Guyye 11 metrlik nuqtadan chap past burchakka aniq tepdi, posbon esa yana boshqa tomonni tanladi — 2:1.
Ikkinchi bo'lim oxirlarida "Valensiya" hisobni tenglashtirish uchun bosimni kuchaytirdi. Arno Danjuma jarima maydoniga chaproqda yorib kirib, uzoq burchakka pastdan zarba berdi, biroq darvozabon sakrab to'pni qaytardi. Yana bir epizodda Xavi Gerra hujumni o'ng tomonga davom ettirib berdi, Umar Sadik to'siqsiz zarba yo'lladi, ammo posbon burchakni yopib, jamoasini qutqarib qoldi.
Ushbu g'alabadan keyin "Vilyarreal" turnir jadvalida sof uchinchi o'ringa ko'tarildi, "Valensiya" esa 14-o'rin atrofida qolmoqda.
“Zamin”ni Telegramʻda oʻqing!
