Urugvaylik hujumchi Edinson Kavani “Boka Xuniors”ni tark etishi mumkin — bu safar tashabbus uning o'zidan emas, balki klub va muxlislar bosimi sabab bo'lishi ehtimoli kuchaymoqda. So'nggi o'yinlarda uning harakati muxlislarni qoniqtirmayapti va stadionda hushtakbozlik tobora ko'paymoqda. Bu haqda euro-football.ru xabar beradi.
Navbatdagi epizod Kavanini almashtirish paytida kuzatildi: “Matador” maydonni tark etar ekan, tribunalar qattiq hushtaklar bilan javob qaytardi. Biroq o'zgarish ham foyda bermadi — “Boka” “Platense” darvozasini ishg'ol qila olmadi va uchrashuv 0:0 hisobida yakunlandi.
Shundan so'ng Argentina OAV Kavanining shartnomasini uzaytirish masalasiga ehtiyotkorona yondashmoqda. Vaziyatni yanada murakkablashtirayotgan jihat — klub paragvaylik hujumchi Adam Bareyroni transfer qildi va ko'pchilik aynan u 39 yoshli tajribali futbolchini tarkibdan siqib chiqarishini kutmoqda.
“Zamin”ni Telegramʻda oʻqing!
