Urugvaylik Edinson Kavani «Boka Xuniors»ni tark etishi mumkin, biroq bu uning shaxsiy istagidan ko'ra ko'proq muxlislar bosimi ostidagi «majburiy qaror»ga o'xshaydi. Uning maydondagi o'yini klub tarafdorlarini qoniqtirmayapti va so'nggi uchrashuvlarda hushtakbozliklar tobora ko'paymoqda. Bu haqda euro-football.ru xabar beradi.
Oxirgi safar ham shunday bo'ldi: Kavani almashtirilayotgan paytda tribunalar keskin hushtaklar bilan javob berdi. Biroq o'zgarish natija bermadi — «Boka» «Platense»ga qarshi bahsda gol ura olmadi va uchrashuv 0:0 hisobida yakunlandi. Argentina OAV esa endi Kavanining shartnomasini uzaytirish masalasiga ehtiyotkorlik bilan yondashmoqda.
Vaziyatni yanada murakkablashtiradigan jihat shundaki, klub paraguaylik hujumchi Adam Bareyroni tarkibga qo'shib oldi. Ko'pchilik fikricha, aynan u 39 yoshli tajribali futbolchini asosiy tarkibdan siqib chiqarishi mumkin.
“Zamin”ni Telegramʻda oʻqing!
