“Milan”ning sobiq futbolchisi Alessandro Matri klubdagi muammolar haqida fikr bildirdi. Uning ta’kidlashicha, uchrashuv yakuniga yaqin jamoa haddan tashqari shoshilib, o‘yin tartibini yo‘qota boshlaydi. Bu haqda euro-football.ru xabar beradi.
Matri fikricha, aynan shu shoshqaloqlik “Parma”ga qarshi o‘yinda 80-daqiqada gol o‘tkazib yuborilgach, kerakli bosimni tashkil etishga xalal bergan. Natijada “Milan” hujumlarini izchil qurish o‘rniga, vaziyatlarni tartibsiz va shoshma-shosharlik bilan yakunlashga o‘tib qolgan.
“Muammo — o‘yin oxiridagi suetada. Futbolchilar mashg‘ulotlarda o‘rgangan narsalarini, darvozaga chiqish yo‘llarini unutib qo‘yadi. Harakatlar sumbur bo‘lib qoladi, shoshilish kuchayadi, xatolar ko‘payadi. Bu, eng avvalo, mental masala”, — dedi Matri. Uning so‘zlarini pianetamilan.it keltirdi.
Eslatib o‘tamiz, Alessandro Matri 2019 yilda futbolchilik faoliyatini yakunlagan.
“Zamin”ni Telegramʻda oʻqing!
