"Bavariya" bosh murabbiyi Vensan Kompani Dortmundning "Borussiya"siga qarshi muhim o'yin oldidan jamoaning kadrlar holati haqida fikr bildirdi. Avvalroq myunxenliklar bir qator yo'qotishlarga duch kelgandi: Manuel Noyer, Olise, Pavlovich, Ito va Kim Min Je safdan chiqqan. Bu haqda euro-football.ru xabar beradi.
Kompani matbuot anjumanidan so'ng tibbiy shtab bilan uchrashib, futbolchilarning so'nggi ahvolini aniqlab olishini aytdi. Uning ta'kidlashicha, hozircha vaziyat ijobiy ko'rinmoqda, biroq hamma ham "Borussiya"ga qarshi o'yinda start tarkibida maydonga tushmasligi mumkin. Shunga qaramay, murabbiy jamoa baribir juda kuchli tarkib bilan maydonga chiqish imkoniga ega ekanini urg'uladi.
"Borussiya" — "Bavariya" uchrashuvi shanba kuni, 28-fevralda bo'lib o'tadi. Germaniya chempionatining 24-turi doirasidagi bahs 22:30 da (Toshkent vaqti bilan) boshlanadi.
Shuningdek, mutaxassis avvalroq Manuel Noyerning ushbu o'yinda qatnashishi ehtimoli haqida ham alohida to'xtalib o'tgan.
“Zamin”ni Telegramʻda oʻqing!
