PSG Ligue 1 doirasida "Gavr" maydonida minimal hisobda zafar quchdi va "Lans"dan ustunligini to'rt ochkogacha oshirdi. Hisob bor, g'alaba bor, ammo o'yin taassuroti unchalik ishontirmadi. Bu haqda euro-football.ru xabar beradi.
Uchrashuvdagi eng ijobiy yangiliklardan biri – Matvey Safonovning ishonchli harakati. Rossiyalik darvozabon "nol"ga o'ynadi, ikki seyv amalga oshirdi, jarima maydonidan chiqishlarda dadil ko'rindi va himoyadagi xatolarni bir necha bor yopdi.
Biroq paradoks shundaki, g'alabaga qaramay, Luis Enrike jamoasida bu safar juda omadsiz ko'ringan futbolchilar ham ko'payib ketdi. Quyida "Gavr" – "PSG" bahsida eng sust o'ynagan to'rt futbolchi haqida (10 ballik tizim bo'yicha) fikrlar.
Xvicha Kvaratsxeliya – 3,0. Gruziyalik hujumchi uchun o'yin juda omadsiz o'tdi. Himoyachilar bosimi kuchli bo'lgani uchun emas, aynan o'zi vaziyatlarni keskin ravishda yo'qqa chiqargani uchun. Besh metrlar atrofidan to'siqsiz zarba berdi – shtanga, keyingi o'xshash imkoniyatda esa darvozani mo'ljallay olmadi. Natijada golsiz qoldi va birinchi bo'lib almashtirilganlardan biri bo'ldi.
Vilyan Pacho – 3,0. Ekvadorlik himoyachi xatolar zanjirini to'xtata olmayapti: avval "Monako"ga qarshi o'yinda Safonovni noqulay vaziyatga solgandi, bu safar esa "Gavr"ning yagona jiddiy hujumida Sumareni ko'zdan qochirdi. Havo duelida ham uch kurashning ikkitasida yutqazdi, bir epizodda qo'pol o'ynab fol ham qildi, pozitsion hujumlarda esa to'pni oldinga olib chiqishda deyarli foyda bermadi.
Dro Fernandesh – 3,0. Luis Enrike yosh yarim himoyachiga hanuz katta ishonch bildirmoqda, ammo navbatdagi imkoniyat ham o'zini oqlamadi. U deyarli faqat Hakimining ofsayddan keyingi epizodida aniq zarba bera oldi, xolos. To'g'ri pozitsiyalarda esa ko'proq kurashlarda yutqazdi (olti marta), driblingda ham uch bor to'p yo'qotdi, zarbalar va o'tkirlashtiruvchi qarorlar esa deyarli bo'lmadi.
Dezire Due – 3,0. Iqtidor, tezlik va yengillik bor, ammo u ko'pincha o'yinni ortiqcha bezashga urinadi. U ishlab olgan penaltini o'zi "pijonona" tarzda sovurdi, ko'p vaziyatda esa to'pni o'zida ushlab qolib, jamoaviy yechim o'rniga yakka harakatni tanladi. Taxminan yarim soat ichida e'tiborni tortdi, biroq uch zarbasi ham golga aylanmadi.
“Zamin”ni Telegramʻda oʻqing!
