Dunyo yaqin yillarda misli ko‘rilmagan issiq davrga yuz tutishi mumkin. World Meteorological Organization ma’lumotiga ko‘ra, 2030 yilgacha global harorat rekord darajalarga chiqishi ehtimoli juda yuqori baholanmoqda.
Tashkilot hisobotida aytilishicha, hatto 2027 yilning o‘zidayoq insoniyat tarixidagi eng issiq yil qayd etilishi mumkin. Mutaxassislar bu holatni yil oxirida kutilayotgan El Niño iqlim hodisasi bilan ham bog‘lamoqda. Ushbu jarayon Yer atmosferasida haroratning yanada ko‘tarilishiga olib kelishi mumkin.
Hisobot Met Office tomonidan tayyorlangan bo‘lib, unda 2026–2030 yillar orasidagi kamida bir yil 2024 yildagi issiqlik rekordini yangilashi ehtimoli 86 foiz ekani qayd etilgan.
Shuningdek, keyingi besh yillikda o‘rtacha global harorat sanoat inqilobidan oldingi davrga nisbatan 1,5 darajadan yuqori bo‘lishi ehtimoli 75 foizga teng deb baholanmoqda.
“Zamin”ni Telegramʻda oʻqing!
