Liverpul va Real Madrid o‘rtasidagi aloqalar qizg‘in tus olmoqda, biroq bu safar gap futbolchi transferlari haqida emas, balki Xabi Alonso atrofidagi bahsli vaziyat haqida ketmoqda. Ispaniyaning AS nashri xabariga ko‘ra, Liverpul rahbariyati Madrid klubi bilan bog‘lanib, Xabi Alonsoning Bernabeudagi qisqa va muvaffaqiyatsiz murabbiylik faoliyati haqida ma’lumot so‘ragan. Bu haqda Goal.com xabar beradi.
Arne Slotning kelajagi so‘roq ostida qolgan bir paytda, Liverpul klubi o‘z vaqtida yarim himoya ustasi bo‘lgan mutaxassisning nima uchun Madridda kutilgan natijani ko‘rsata olmaganini chuqur tahlil qilmoqchi. 400 million yevrodan ortiq mablag‘ sarflanganiga qaramay, jamoa joriy mavsumda inqirozga yuz tutdi.
Arne Slot 2027-yilga qadar shartnomaga ega bo‘lsa-da, jamoaning Chempionlar ligasi, Angliya kubogi va Liga kubogidagi muvaffaqiyatsizliklari hamda Angliya Premer-ligasida Arsenal jamoasidan 20 ochko ortda qolayotgani murabbiyga nisbatan tanqidlarni kuchaytirdi. Klub rahbariyati hozirda murabbiylar shtabidagi o‘zgarishlar variantini ko‘rib chiqmoqda.
Ma’lumotlarga ko‘ra, Xabi Alonso Real Madridda ishlagan davrida kiyinish xonasida kelishmovchiliklarni keltirib chiqargan. Xususan, Vinicius Junior va Fede Valverde kabi yetakchi futbolchilar uning taktik mashg‘ulotlari hamda video tahlillarga haddan tashqari ko‘p vaqt ajratishini ochiqchasiga tanqid qilishgan edi.
“Zamin”ni Telegramʻda oʻqing!
