SpaceX kompaniyasi Starbase kosmodromining 2-maydonchasida Starship Flight 12 missiyasi uchun «ho‘l» general repetitsiyani (Wet Dress Rehearsal) muvaffaqiyatli yakunladi. Bu jarayon raketa va yer usti tizimlarining parvoz oldidan o‘tkaziladigan yakuniy kompleks sinovi hisoblanib, yoqilg‘i baklarini to‘ldirish va ortga hisoblash jarayonini o‘z ichiga oladi. Bu haqda Ixbt.com xabar beradi.
Sinovda yangi avlod raketasining to‘liq yig‘ilgan nusxasi, ya’ni Booster 19 tezlatgichi va Ship 39 kemasi ishtirok etdi. 10-may kuni o‘tkazilgan birinchi urinish texnik sabablarga ko‘ra to‘xtatilgan edi, biroq bu safar SpaceX muhandislari barcha bosqichlarni muvaffaqiyatli yakunlashga muvaffaq bo‘lishdi.
Kompaniya raketani rekord darajada tez — atigi 30 daqiqa ichida yoqilg‘i bilan to‘ldirdi va dvigatellarni yoqmagan holda T-0 bosqichigacha bo‘lgan barcha jarayonlarni amalga oshirdi. Sinov tugagach, yoqilg‘i chiqarib tashlandi va Starbase atrofidagi yo‘llar qayta ochildi.
Avvalroq SpaceX 33 ta Super Heavy dvigatelining muvaffaqiyatli sinovini o‘tkazgan edi. Hozirgi rejalarga ko‘ra, Starship Flight 12 parvozi 15-maydan ertaroq amalga oshirilmaydi.
“Zamin”ni Telegramʻda oʻqing!
