Chelsi sardori Ris Jeyms Angliya kubogi finalida Manchester Siti jamoasidan uchralgan 1:0 hisobidagi mag‘lubiyatdan so‘ng klub muxlislaridan uzr so‘radi. Ushbu natija London klubining mavsum yakunida yevrokuboklar yo‘llanmasini qo‘lga kiritish imkoniyatlarini yanada murakkablashtirib yubordi. Bu haqda Goal.com xabar beradi.
Uembli stadionida kechgan bahsda yagona gol uchrashuv yakunlanishiga 15 daqiqa qolganida urildi. Ris Jeyms ushbu o‘yinda yarim himoyachi pozitsiyasida harakat qildi va jamoa o‘yiniga barqarorlik olib kirishga urindi, biroq hujumdagi noaniqliklar yakunda qimmatga tushdi.
Jeyms klub rasmiy saytiga bergan intervyusida joriy mavsumdagi natijalar Chelsi darajasiga mos emasligini tan oldi. U jamoa o‘z o‘yinini tezroq yaxshilashi va navbatdagi Tottenxemga qarshi o‘yinga tayyorgarlik ko‘rishi kerakligini ta’kidladi.
Sardor o‘z jamoasi raqib bilan tengma-teng kurashganini, biroq omad yetishmaganini qayd etdi. Shuningdek, u uzoq muddatli jarohatdan qaytgan himoyachi Levi Kolwillning o‘yinini alohida e’tirof etib, uning tarkibga qaytishi himoya chizig‘i uchun muhim ahamiyatga ega ekanligini bildirdi.
“Zamin”ni Telegramʻda oʻqing!
