Great Wall kompaniyasi dunyodagi birinchi gorizontal-oppozit dvigatelli Souo S2000 mototsikli uchun dasturiy taʼminot yangilanishini taqdim etdi. Yangi proshivka 12 dyuymli raqamli displey uchun ikkita qoʻshimcha rang sxemasini va kutilmagan funksiya — karaoke tizimini oʻz ichiga oladi. Ushbu imkoniyat avvalroq Great Wall avtomobillarining media tizimlarida paydo boʻlgan edi. Bu haqda Ixbt.com xabar beradi.
Souo S2000 oʻzining 2,0 litrli gorizontal-oppozit dvigateli bilan ajralib turadi. Agregat 153 ot kuchini ishlab chiqaradi va 8 pogʻonali robotlashtirilgan DCT uzatmalar qutisi bilan hamkorlikda ishlaydi. Mototsikl 100 km/soat tezlikka 3,9 soniyada erishadi, uning maksimal tezligi esa 200 km/soatni tashkil etadi.
Texnik jihozlanish Qualcomm Snapdragon 8155 platformasiga asoslangan media tizim, oʻrindiqlar va tutqichlarni isitish funksiyasi hamda kruiz-nazorat tizimini oʻz ichiga oladi. Mototsiklning ogʻirligi 427 kg, gʻildiraklar bazasi esa 1810 mm ga teng.
Xitoy bozorida ushbu model 190 mingdan 219 ming yuangacha boʻlgan narxlarda taklif etilmoqda. Yaqin kelajakda Great Wall kompaniyasi Souo S2000 modelini Rossiya bozoriga ham rasman olib kirishni rejalashtirmoqda.
“Zamin”ni Telegramʻda oʻqing!
