Nurmagomedovning otasi oʻgʻlini jazolamaslikka qaror qildi

Mutlaq jangchilar chempionati (UFC) chempioni Habib Nurmagomedovning otasi va murabbiysi Abdulmannop Nurmagomedov oʻgʻlini Konor Makgregor bilan jangdan soʻng sodir boʻlgan hodisa uchun jazolamaslikka qaror qildi, deya xabar beradi Kun.uz.

Nurmagomedov Makgregorni boʻgʻish usuli bilan taslim etdi. Jangdan soʻng, rossiyalik jangchi oktagondan tashqarida mushtlashuv uyushtirdi. Bunga uning otasi oʻgʻlini UFCʻdan ham qattiqroq jazolashi haqida maʼlum qilgandi.

“Bizda jahon, olimpiya chempionlari, klub prezidentlari, vitse-prezidentlaridan iborat boʻlgan sport faxriylari toʻplandi. Ular oʻtirib, yuz bergan hodisa ustida bosh qotirishdi, aqlli odamlar unga yuz bergan voqeani eslatmaslik kerakligini aytishdi. Men koʻpchilik bilan rozi boʻldim. Habib bilan uchrashganimizda, bir-birimizga qaradik, bu mavzu haqida gaplashmadik”, - deya maʼlum qildi katta Nurmagomedov. “Zamin” yangiliklarini “Telegram”da kuzatib boring