22:38 / 22.11.2018
2 992

Toshkentda "Google" dasturchilari festivali bo‘lib o‘tadi

Toshkentda "Google" dasturchilari festivali bo‘lib o‘tadi
Joriy yilning 24 noyabr kuni mamlakatimizda ilk bor “DevFest” – Google Developers Group (GDG) dasturchilar xalqaro festivali bo‘lib o‘tadi, deb xabar bermoqda O‘zA.

Festival Axborot texnologiyalari va kommunikatsiyalarini rivojlantirish va Xalq ta’limi vazirliklari, BMT TDning O‘zbekistondagi vakolatxonasi, O‘zbekiston yoshlar ittifoqi hamda Toshkentdagi Inha universiteti tomonidan tashkil etilmoqda.

O‘zbekiston Respublikasi Axborot texnologiyalari va kommunikatsiyalarini rivojlantirish vazirligi ma’lumotlariga ko‘ra, festival "DevFest Google Developers Group" tomonidan "Google" kompaniyasi ko‘magida butun dunyo bo‘ylab o‘tkaziladigan global tadbirdir. Joriy yilda tadbir doirasida Google kompaniyasining so‘nggi texnologiya va ishlanmalari namoyish etiladi. Xususan, ishtirokchilar mobil ilovalar yaratish masalalari, biznesda virtual, to‘ldirilgan va aralash voqeliklar texnologiyalari imkoniyatlaridan foydalanish istiqbollarini ko‘rib chiqadi.

Shuning uchun tadbir nafaqat dasturchi va IT-mutaxassislari, balki zamonaviy texnologiyalarga befarq bo‘lmagan barcha yosh avlod vakillari uchun ham qiziqarli bo‘ladi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » Toshkentda "Google" dasturchilari festivali bo‘lib o‘tadi