Ўзбекистоннинг Сеулдаги элчихонаси ва Жанубий Кореянинг БМТ қошидаги Глобал шаҳарлар туризмни қўллаб-қувватлаш ташкилоти туризмни ривожлантириш бўйича келишув имзолади. Бу ҳақда The Korea Herald нашри хабар берди.
Ҳужжат Корея шаҳарлари ва Ипак йўли маданий мероси объектлари, жумладан, Самарқанд орасида йўналишларни ривожлантиришни кўзда тутади. Келишув 27-октябр куни Пусанда бўлиб ўтган глобал шаҳарлар туризми бўйича биринчи саммитда имзоланган.
Ҳамкорлик доирасида маданий саёҳатлар ташкил этиш, кўргазмалар, фестиваллар ҳамда Пусанда Ўзбекистон маданияти ҳафталигини ўтказиш режалаштирилган. Ўзбекистоннинг Кореядаги элчиси Алишер Абдусаломов Тошкент – Пусан – Тошкент мунтазам авиарейси ишга туширилиши саёҳатларни енгиллаштириш ва қўшма туристик лойиҳаларни ривожлантиришга имконият беришини таъкидлади.
Меҳмон гуруҳидаги фойдаланувчилар ушбу мақолага изоҳ қолдира олмайди.
