Anthropic компанияси юридик фирмалар учун автоматлаштирилган ёрдам кўрсатишга мўлжалланган янги чатбот функцияларини ишга туширди. Ушбу янгиликлар жорий йил бошида тақдим этилган Claude фор Легал платформасини кенгайтириб, ҳуқуқнинг турли соҳалари учун махсус плагинлар ва МКП (Модел Контехт Proтокол) улагичларини ўз ичига олади. Бу ҳақда Techcrunch.com хабар беради.
Юридик технологиялар бозори шиддат билан ривожланмоқда. Хусусан, Ҳарвей ва Легора каби стартаплар катта сармоялар жалб қилиб, ҳуқуқий жараёнларни автоматлаштириш бўйича фаол иш олиб бормоқда. Anthropic ўзининг янги воситалари орқали ҳужжатларни қидириш, таҳлил қилиш, суд ишларига тайёргарлик кўриш ва шартномалар тузиш каби мураккаб вазифаларни енгиллаштиришни мақсад қилган.
Янги МКП улагичлари Claude моделини ДокуСигн ва Бох каби юридик фирмалар кундалик ишда фойдаланадиган дастурлар билан интеграция қилиш имконини беради. Шунингдек, Тҳомсон Reuters каби юридик тадқиқот платформаларини ҳам тизимга улаш мумкин. Компания вакилларининг таъкидлашича, юридик сектор сунъий интеллектни жорий этишда энг тез ўсаётган йўналишлардан бирига айланди.
Шу билан бирга, юридик соҳада сунъий интеллектдан фойдаланиш айрим хавфларни ҳам келтириб чиқармоқда. Ўтган давр мобайнида ChatGPT орқали нотўғри ёки сохта иқтибослар билан тўлдирилган ҳужжатлар тайёрлаган адвокатлар ва ҳатто судялар билан боғлиқ нохуш ҳолатлар кузатилди. Мутахассислар AI томонидан яратилган сифатсиз юридик ҳужжатлар суд тизимига ортиқча юклама бераётганидан хавотирда.
“Zamin”ни Telegram'да ўқинг!
