SpaceX компанияси Starlink фойдаланувчи терминаллари орқали координаталарни аниқлаш имконини берувчи яширин функцияни ёпишга қарор қилди. АрсТечника хабарига кўра, 2026-йил 20-майдан бошлаб антенна жойлашуви ҳақидаги маълумотлар мобил илованинг Дебуг Дата бўлимидан бутунлай олиб ташланади. Бу ҳақда Ixbt.com хабар беради.
Гарчи бу функция расман навигация воситаси сифатида тақдим этилмаган бўлса-да, тадқиқотчилар ва ишқибозлар ундан позицияни аниқлаш, навигация ва вақтни синхронлаштириш учун фойдаланиб келишган. ГПС сигналлари сунъий равишда тўсиб қўйилган ёки сохталаштирилган шароитларда Starlink анча барқарор муқобил вариант бўлиб хизмат қилган.
Паст орбитадаги сунъий йўлдошлар гуруҳи анъанавий ГНСС-тизимларига қараганда кучлироқ сигналга эга ва уларни бостириш қийинроқ. Бундан ташқари, икки томонлама алоқа ва йўналтирилган антенналар тизимни спуфинг (сохталаштириш) ҳужумларига нисбатан чидамлироқ қилади.
Ҳозирги вақтда Starlink аниқлик бўйича ГПС билан рақобатлаша олмайди, чунки унинг стандарт аниқлик даражаси тахминан 10 метрни ташкил этади. Шунга қарамай, илмий гуруҳлар сигналларни қўшимча қайта ишлаш орқали координаталарни бир неча метргача аниқлик билан ҳисоблаш мумкинлигини исботлашган.
“Zamin”ни Telegram'да ўқинг!
