Фото: «Дунё» агентлиги
Австриядан Ўзбекистонга COVID-19 га қарши курашни қўллаб-қувватлаш доирасида 150 минг доза AstraZeneca вакцинаси жўнатилди, деб хабар беради «Дунё» агентлиги.
Ўзбекистоннинг Венадаги ЕХҲТ ва бошқа халқаро ташкилотлардаги доимий миссияси маълумотига кўра, вакциналар Австрия ҳукумати томонидан беғараз ёрдам ва мустаҳкам дўстлик рамзи сифатида тақдим этилган.
Таъкидланишича, Ўзбекистоннинг Венадаги элчиси Абат Файзуллаев Австрия Ташқи ишлар вазирлиги вакиллари билан биргаликда Тошкентга инсонпарварлик юкларини жўнатиш маросимида иштирок этган.
Вакциналарни манзилга безарар етказиб бериш учун томонлар тиббий маҳсулотларни ташишнинг барча жиҳатларини таъминлашни назарда тутган. Хусусан, вакциналар махсус совиткичли контейнерга жойлаштирилган. Унда совитиш жараёни ва 2-7 даражали ҳарорат таъминланади. Юкни Тошкентга етказиш Vie Pharma Handling Center махсус транспорт хизмати томонидан амалга оширилмоқда.
Гуманитар ёрдам кўрсатиш бўйича келишувга Австрия Европа ва ташқи ишлар федерал вазири Михаэль Линхартнинг 7–8 ноябрь кунлари Ўзбекистонга ташрифи чоғида эришилган эди. Ташриф доирасида Австрия ташқи сиёсат маҳкамаси раҳбари Ўзбекистон Ташқи ишлар ва Инвестициялар ва ташқи савдо вазирликлари раҳбарлари билан учрашган.
Михаэль Линхарт Ўзбекистон Австриянинг Марказий Осиё минтақасидаги энг муҳим ҳамкори эканини таъкидлаганди. Шунингдек, Австрия фуқароларини Афғонистондан эвакуация қилишда кўрсатган ёрдами учун Ўзбекистонга миннатдорлик билдирган. «Бу дўстликнинг кучли белгиси эди», — дея қайд этган эди австриялик дипломат.
Эслатиб ўтамиз, сентябрь ўрталарида Ўзбекистонга Германиядан 356 минг доза, Польшадан эса 252 минг доза AstraZeneca вакцинаси келтирилган эди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Селена Гомес ўзининг миллиардерлик мақомига муносабат билдирди
ҲАМАС Тель-Авивдаги теракт учун масъулиятни ўз зиммасига олди
Микротўлқинли печда овқат иситиш соғлиқ учун зарарлими?
Ҳусийлар Тель Авивнинг чекка ҳудудларига ҳужум қилди
Байден Исроилнинг Эрон ядровий иншоотларига зарба беришини қўллаб-қувватламаслигини билдирди
Россия армияси Украинанинг «қалъа шаҳри» Вуҳледарни эгаллади
Песков: Махсус ҳарбий операция Россия мақсадларига эришиш билан якунланиши керак
Путин россияликларга мурожаат қилди: “Барча режалаштирилган мақсадларга эришилади”