Foto: «Dunyo» agentligi
Avstriyadan O‘zbekistonga COVID-19 ga qarshi kurashni qo‘llab-quvvatlash doirasida 150 ming doza AstraZeneca vaksinasi jo‘natildi, deb xabar beradi «Dunyo» agentligi.
O‘zbekistonning Venadagi YEXHT va boshqa xalqaro tashkilotlardagi doimiy missiyasi ma’lumotiga ko‘ra, vaksinalar Avstriya hukumati tomonidan beg‘araz yordam va mustahkam do‘stlik ramzi sifatida taqdim etilgan.
Ta’kidlanishicha, O‘zbekistonning Venadagi elchisi Abat Fayzullayev Avstriya Tashqi ishlar vazirligi vakillari bilan birgalikda Toshkentga insonparvarlik yuklarini jo‘natish marosimida ishtirok etgan.
Vaksinalarni manzilga bezarar yetkazib berish uchun tomonlar tibbiy mahsulotlarni tashishning barcha jihatlarini ta’minlashni nazarda tutgan. Xususan, vaksinalar maxsus sovitkichli konteynerga joylashtirilgan. Unda sovitish jarayoni va 2-7 darajali harorat ta’minlanadi. Yukni Toshkentga yetkazish Vie Pharma Handling Center maxsus transport xizmati tomonidan amalga oshirilmoqda.
Gumanitar yordam ko‘rsatish bo‘yicha kelishuvga Avstriya Yevropa va tashqi ishlar federal vaziri Mixael Linxartning 7–8 noyabr kunlari O‘zbekistonga tashrifi chog‘ida erishilgan edi. Tashrif doirasida Avstriya tashqi siyosat mahkamasi rahbari O‘zbekiston Tashqi ishlar va Investitsiyalar va tashqi savdo vazirliklari rahbarlari bilan uchrashgan.
Mixael Linxart O‘zbekiston Avstriyaning Markaziy Osiyo mintaqasidagi eng muhim hamkori ekanini ta’kidlagandi. Shuningdek, Avstriya fuqarolarini Afg‘onistondan evakuatsiya qilishda ko‘rsatgan yordami uchun O‘zbekistonga minnatdorlik bildirgan. «Bu do‘stlikning kuchli belgisi edi», — deya qayd etgan edi avstriyalik diplomat.
Eslatib o‘tamiz, sentabr o‘rtalarida O‘zbekistonga Germaniyadan 356 ming doza, Polshadan esa 252 ming doza AstraZeneca vaksinasi keltirilgan edi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
