Фото: Ansa
Италия полицияси санъат асарларини сохталаштириш билан шуғулланган жиноий тармоқни фош этди, деб хабар беради Пиза полицияси. Иш бўйича 38 киши тергов қилинмоқда — улардан 2,1 минг дона сохта асарлар мусодара қилинган.
Қайд этилишича, трансмиллий операция 2023 йил мартда бошланган. Сохта санъат асарлари Италия, Испания, Франция ва Белгиядаги устахоналардан топилган. 2,1 минг дона сохта санъат намуналарини сотиш орқали гумонланувчилар 200 миллион евродан ортиқ маблағни қўлга киритишлари мумкин эди.
Жиноий ишга алоқадорлар Клод Моне, Винсент ван Гог, Пабло Пикассо, Салвадор Дали, Марк Шагал, Энди Уорхол, Бэнкси ва бошқа таниқли рассомларнинг ишларини сохталаштириш билан шуғулланган. Улар Бэнксининг иккита кўргазмасини ўтказиб, оригинал ва сохта картиналарини намойиш этган. Тергов бизнесменлардан бирининг коллекциясидан 200 га яқин сохта картиналар топилганидан кейин бошланган.
Эслатиб ўтамиз, 2015 йилда Испания полицияси саккиз нафар шахсни Пабло Пикассо суратларининг сохта намуналарини 160 миллион еврога сотганликда гумон қилиб, қўлга олганди. Пабло Пикассонинг картиналари дунёдаги энг қимматбаҳо санъат асарлари сирасига киради. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Хонанда Рухшона уйланмаган йигитга турмушга чиққани ҳақида сўзлаб берди
Диний қўмита Умра зиёратини ташкил қилиш учун 12 та турфирмага лицензия берди
Дунёнинг машҳур аёллари кунни қандай бошлайди?
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
Хитойда марказида боғ бўлган 270 метрли осмонўпар бино қурилади
Трамп собиқ конгрессмен Даффини транспорт вазири лавозимига таклиф қилди
Путин Украинадаги объектга баллистик ракета зарбаси берилганини эълон қилди
