Россиялик машҳур хонанда Виталий Грачев қамоққа олинди

  • Маданият
  • 29-03-2018, 08:53
  • 980
  • Россиялик машҳур хонанда Виталий Грачев қамоққа олинди
    Сўнгги хабарларда айтиладики, хонандани дала ҳовлисида бўла туриб, маст аҳволда совуқ қуролдан фойдаланганликда айблашди. Одинцов шаҳар суди Витасни 7 кун муддатга озодликдан маҳрум этди.

    Бунга қадар хонандани полиция вакиллари майда безорилик содир этганликда айблаб, 500 рубл миқдоридаги жаримага тортишганди. Бу гал эса прокурорлар жазо 7 кун эмас, балки 15 кун бўлишига эришиш учун ҳаракатга тушишган.

    Полиция баённомасида таъкидланишича, у 22 март куни Москва вилояти, Одинцов шаҳридаги дала ҳовлисида, аниқроғи, дала ҳовли рўпарасида, кўчада совуқ қуролдан кетма-кет ўқ узган. Хонанда эса қўлидаги қурол бўш патрон отадиган тўппонча экани, қарғаларни қўрқитиб ҳайдаш учун ўқ узганини айтиб туриб олди.

    Эслатиб ўтамиз, Витас илгари ҳам кўп маротаба полиция назарига тушишга улгурган. Аксар ҳолларда хонанда барлар, кафеларда муштлашувлар уюштириб, маъмурий жазога тортилган.

    » » Россиялик машҳур хонанда Виталий Грачев қамоққа олинди
    Яндекс.Метрика