Шотландиялик тадқиқотчилар Ердаги қадимги ҳаёт ҳақидаги тасаввурларни шубҳа остига қўйди. Улар прототакситлар деб аталувчи ғаройиб организмни ўрганиб, ҳозиргача маълум бўлган ҳеч бир тоифага мансуб эмас, деган хулосага келишди.
Прототакситлар нима?
Прототакситлар тахминан 400 миллион йил аввал яшаган, бўйи 8 метргача ўсган сирли организмлардир. Улар XIX асрдаёқ тошга айланган ҳолда топилган, аммо олимлар дастлаб уларни дарахт деб ўйлашган. Кейинчалик, улар қўзиқорин ёки сувўт бўлиши мумкинлиги ҳақида тахминлар илгари сурилган. Бироқ Эдинбург университети олимлари ўтказган сўнгги микроскопик ва кимёвий таҳлиллар бу гипотезаларни рад этди.
"Биз уларни ҳеч қандай маълум тоифа билан боғлай олмадик. Прототакситлар на қўзиқорин, на ўсимлик, на бошқа ҳужайрали жонзотларга ўхшайди. Улар ўзгача ҳужайравий тузилмага эга," — дейилади тадқиқот хулосасида.
Энг сирли ҳаёт шакли
Мутахассислар фикрича, прототакситлар ўзига хос эукариот ҳаёт шакли бўлиши мумкин. Улар силур ва девон даврларидаги ботқоқ ландшафтларда яшаган ва ўша пайтда мавжуд бўлган папоротниклар ва юлғунлар орасида ҳақиқий гигантлар бўлган.
Прототакситларнинг роли ва йўқолиши
Олимлар бу организмларнинг қадимги экотизимларда қандай роль ўйнагани ҳақида аниқ маълумотга эга эмас. Балки улар эволюциянинг бир қисми сифатида пайдо бўлиб, кейин йўқолиб кетган. Бироқ уларнинг мавжудлиги ҳаёт ривожланиши қанчалар ноодатий ва хилма-хил бўлиши мумкинлигини яна бир бор исботлайди.
Прототакситлар ҳақидаги сўнгги тадқиқотлар ҳали ҳам Ердаги ҳаётнинг ўрганилмаган сирли саҳифалари борлигини кўрсатмоқда. Бу эса келгуси археологик ва биологик изланишлар учун янги йўналишларни очиб бериши мумкин. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
