Францияда Лувр музейини талон-тарож қилишда гумон қилинган шахслар қўлга олинди, деб хабар бермоқда Reuters. Уларнинг бири Шарл де Голл аэропортида, Жазоирга учмоқчи бўлганида қўлга олинган.
Париж яқинидаги Сена-Сен-Дени ҳудудидан бўлган икки эркак 26 октябр куни кечқурун ҳибсга олинган. Аммо талон-тарож қилинган заргарлик буюмлари ҳали топилгани йўқ.
Париж прокурори Лор Бекко ҳибсга олиш ҳақидаги маълумотларнинг ошкор бўлишини қоралади. У бу ҳолатни терговни қийинлаштираётганини таъкидлади.
Терговда юзга яқин терговчи иштирок этмоқда. Ички ишлар вазири Лоран Нунес полициянинг ишини юқори баҳолаб, аммо тафсилотларни ошкор қилишдан бош тортди.
Ўғирлик жорий йил 19 октябр куни содир бўлган. Тўрт нафар ниқобли шахс XIX асрга оид умумий қиймати 102 миллион доллар бўлган саккизта заргарлик буюмини олиб чиқиб кетган.
Ўғирланган буюмлар орасида қиролича Мари-Амелия ва император аёл Евгениянинг тилла тож ва сирғалари бор эди.
