Чемпионлар Лигаси: Наполи, Марсель ва Ювентус ғалаба қозонди

2025-йилнинг 26-ноябрда Чемпионлар Лигаси гуруҳ босқичининг бешинчи тур учрашувлари бўлиб ўтди. Унда "Наполи" "Қарабоғ"ни, "Марсель" эса "Ньюкасл"ни мағлуб этди.

"Ювентус" қийин ўйинда "Будё-Глимт" устидан ғалаба қозонса, "Славия" ва "Атлетик" ўртасидаги баҳсда ҳисоб очилмади. "Наполи" узоқ давом этган ҳужумлардан сўнг "Қарабоғ" мудофаасини ёриб ўтди.

Хейлунднинг пеналти зарбасини "Қарабоғ" дарвозабони Кохальски қайтарган бўлса-да, мезбонлар босими кучайди. Бурчак тўпидан сўнг МакТоминий ҳисобни очди, кейин эса Янкович ўз дарвозасига тўп йўллади.

"Қарабоғ" узоқ масофадан зарбалар билан жавоб қайтармоқчи бўлди, аммо Милинкович-Савич барчасини назорат қилди. Натижада "Наполи" муҳим ғалабани қўлга киритди.

"Ньюкасл" ўйинни Барнснинг аниқ зарбаси билан бошлади, бироқ танаффусдан сўнг "Марсель" вазиятни ўзгартирди. Обамеянг "Ньюкасл" дарвозабони Поупнинг хатосидан фойдаланди ва ҳисобни тенглаштирди.

Сўнгра у Виа томонидан узатилган тўпни голга айлантириб, ўз ҳисобига дубль ёздириб қўйди. "Ньюкасл" бир неча хавфли вазиятлар яратди, аммо "Марсель" дарвозабони Рули ўз дарвозасини ишончли ҳимоя қилди.

Шу тариқа "Марсель" қимматли очколарни қўлга киритди. "Будё-Глимт" стандарт вазиятда ҳисобни очган бўлса-да, "Ювентус" тезда ўйинни тенглаштирди.

Опенда ҳисобни тенглаштирган бўлса, Маккенни бош билан аниқ зарба йўллаб, меҳмонларни олдинга олиб чиқди. Мезбонлар пеналти эвазига ҳисобни яна тенглаштирди, аммо қўшиб берилган дақиқаларда Йилдизнинг пасини Девид бўш дарвозага йўллаб, "Ювентус"га ғалаба олиб келди.

Прагада "Славия" ва "Атлетик" ўртасида қийин ва кескин ўйин ўтказилди. "Атлетик" ўйинни фаол бошлади, аммо "Славия" тезда мувозанатни тиклади.

Кўплаб қўполликлар ва ҳакамнинг огоҳлантиришлари ўйин суръатини пасайтирди. Ҳар икки жамоа ҳисоб очиш учун имкониятга эга бўлди, аммо аниқ зарбалар етишмади.

Натижада ўйин 0:0 ҳисоби билан якунланди. “Zamin”ни Telegram'да ўқинг!