Жаҳон спортида таққослашлар анъанага айланган. Футболда Роналду ва Месси мунозараси сўнгги 15 йил давомида марказий мунозара нуқтаси бўлиб қолмоқда. Худди шундай, сўнгги пайтда Ўзбекистон ва Қозоғистон футболида ҳам катта ривожланиш босқичи бошланди, бу эса қўшни мамлакатларнинг ўзаро таққосланишига сабаб бўлмоқда.
Англия Грандларининг эътирофи
Кейинги пайтда икки мамлакатнинг ёш қаҳрамонлари – Абдуқодир Ҳусанов (Ўзбекистон) ва Дастан Сатпаевни (Қозоғистон) таққослаш трендга айланди. Сабаб оддий: ҳар икки ўйинчининг алоҳида иқтидори Англия Премьер-лигасининг топ-клублари — «Манчестер Сити» ва «Челси» томонидан тан олинган.
Ҳусанов: 40 миллион евролик тарих
21 ёшли марказий ҳимоячи Абдуқодир Ҳусанов 2025 йил 20 январда Франциянинг «Ланс» клубидан 40 миллион евро эвазига Хосеп Гвардиола бошқарувидаги «Манчестер Сити» клубига сотиб олинган. У Беларуснинг «Энергетик-БГУ» жамоасида шаклланиб, Францияда тўп тепган.
Ҳусанов Англия чемпионатида майдонга тушган ва гол урган илк ўзбекистонлик профессионал футболчи сифатида тарихга кирди. У клублар миқёсида 85 та учрашувда 5 та гол ва 5 та самарали узатмаларни амалга оширган, шунингдек, 2023 йилдан бери Ўзбекистон миллий терма жамоаси сафида 24 та баҳсда қатнашган.
Сатпаев: "Челси"нинг катта истиқболи
17 ёшли ҳужумчи Дастан Сатпаев эса «Қайрат» клубида тарбия топган. Унинг салоҳиятини пайқаган «Челси» клуби ўйинчи учун 2,4 миллион евро тўлаб, уни ўз сафига қўшиб олди, аммо тажриба орттириши учун уни ҳозирча Қозоғистон клубида қолдирди. Дастан 2026 йил ёзида «Челси» U-21 таркибига қўшилади. Сатпаев 78 та учрашувда 47 та гол уриб, 18 та ассистни расмийлаштирган – бу ҳайратланарли кўрсаткич.
Мураббий Кумиков: "Таққослаш ноўриндир"
Хўш, бу икки иқтидордан қайси бири кучли? Бу саволга икки мамлакат футболини жуда яхши биладиган россиялик тажрибали мутахассис Виктор Кумиков жавоб берди. (У Ўзбекистонда «Машъал», «Насаф» ва ОКМК каби клубларни бошқарган).
Кумиковнинг фикрича:
«Аввало, бу икки футболчини таққослаш ноўриндир».
«Биринчидан, улар турли позицияларда ўйнайди (Ҳусанов ҳимоячи, Сатпаев ҳужумчи)».
«Иккинчидан, Ҳусанов анча тажрибали ва бир неча йилдан бери хорижда ўйнаяпти. Сатпаев эса, ҳали катта истиқболли ўйинчи ҳисобланади ва фақат Қозоғистонда ўйнаяпти».
Иккаласига ҳам халқаро майдонда омад тилаймиз!
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
