Австриялик тадбиркор Бернд Бергмайр, илгари катталар учун мўлжалланган кўнгилочвр контент, жумладан, PornHub сайтига эгалик қилган, Лукойлнинг хориждаги активларини сотиб олишни режалаштираётгани ҳақида Reuters хабар берди. Бергмайр Россиянинг ушбу компаниясининг активларини сотиб олиш таклифи билан АҚШ Молия вазирлигига мурожаат қилган.
У битимга бўлган қизиқишини тасдиқлаган, аммо батафсил маълумотларни ошкор қилмаган. "Мен, табиийки, потенциал сармоялар ҳақида изоҳ бермайман", — дея маълум қилган Бергмайр ўз адвокати орқали.
Ҳозирги кунда Лукойлнинг хориждаги активлари орасида Ўзбекистон, Қозоғистон ва бошқа узоқ хорижий мамлакатлардаги конлар киради. Шунингдек, компаниянинг бутун дунё бўйлаб ёнилғи қуйиш шохобчалари тармоғи мавжуд.
Бергмайр илгари MindGeek компаниясига эгалик қилган, ушбу компания Pornhub, RedTube ва YouPorn каби катталар учун мўлжалланган сайтларни бошқарган. 2023 йилда у MindGeek’ни Канаданинг инвестиция компаниясига сотган, аммо битим суммаси ошкор қилинмаган.
Шунингдек, Лукойл активларини сотиб олишга илгари Gunvor трейдери ва Бирлашган Араб Амирликларининг давлат компанияси Adnoc ҳам қизиқиш билдирган эди. Амирлик компанияси, хусусан, Ўзбекистон активларига диққат қаратган.
Меҳмон гуруҳидаги фойдаланувчилар ушбу мақолага изоҳ қолдира олмайди.
