«Копенгаген» бош мураббийи Якоб Нееструп Чемпионлар лигасида «Барселона»га қарши бўладиган учрашув арафасида жамоанинг кайфияти ва режасини муҳокама қилди. Рақиблар чоршанба куни умумий босқичнинг якуний турида майдонга тушади. Бу ҳақда euro-football.ru хабар беради.
Нееструпнинг таъкидлашича, имконият доимо бор ва натижа кўп жиҳатдан «Копенгаген»нинг ўз ўйинига боғлиқ. У жамоа аввал ҳам кучли рақибларга, жумладан «Бавария»га қарши майдонга тушганини эслатиб, бу сафар ҳам юқори даражадаги ҳужум чизиғига эга «Барселона» билан тўқнаш келишини қайд этди.
Мураббийга кўра, энг муҳим вазифа — тартибли ўйнаш, ихчамликни сақлаш ва тўпга яқинроқ ҳаракат қилиш. «Копенгаген» ҳимояда тўрт ёки беш нафар ҳимоячи билан турли схемаларда ўйнай олади, зарурат бўлса, ҳимоявий услубга ўтиш ҳам муаммо эмас.
Учрашув 01:00 да (Тошкент вақти билан) бошланади.
“Zamin”ни Telegram'да ўқинг!
