Эроннинг давлат ОАВлари Ғарб нашрларида тарқалган “намойишчилар мамлакат ғарбидаги Малекшоҳий округи устидан назорат ўрнатди” деган хабарларни инкор қилди. Расмий баёнотларда айтилишича, бир неча соат давом этган кескин вазиятдан сўнг Малекшоҳийдаги ҳолат тўлиқ барқарорлашган. Бу ҳақда kursiv.uz хабар беради.
Бундан аввал Fox News Малекшоҳий ҳамда Илом вилоятидаги Абданон шаҳри намойишчилар қўлига ўтгани ҳақида хабар берган эди. Эрон ахборот агентликлари эса тартибсизликлар чоғида радикал гуруҳлар турли провокациялар уюштириб, банкларни вайрон қилгани, ҳужжат ва техникаларни йўқ қилгани, шунингдек, ҳуқуқ-тартибот ходимларига қарата ўқ узгани ҳақида маълум қилмоқда.
Эронда оммавий норозиликлар декабр охирида миллий валютанинг кескин қадрсизланиши фонида бошланган. Аҳоли норозилигига риёл курси кескин тебраниши ва нархлар ошиши сабаб бўлган. Шундан сўнг Марказий банк раҳбари Муҳаммад Фарзин истеъфога чиққан, 31 декабр куни президент фармони билан унинг ўрнига Абдолносер Ҳеммати тайинланган.
“Zamin”ни Telegram'да ўқинг!
