Россия билан иттифоқ-давлатни янада чуқурлаштириш борасида келишмовчилик бошланиб, Москва яна нефть ричагини ишга солиши туфайли кескинлашгач, Беларусь ҳатто рамзлардаги содиқлигини ҳам қайта кўриб чиқмоқчи.
Суратда чап тарафдаги мамлакатнинг ҳозирги гербида глобусда Беларусь ёнида улкан Россия тасвирланган бўлса, янги қабул қилиниши кутилаётган гербдаги (ўнгда) глобусда Россиянинг кичик қисми келтирилган ва Европа қитъасига катта жой ажратилган.
Албатта, бундай ўзгариш бошқа жойда аҳамиятсиз бўлиши мумкин, лекин постсовет минтақасида эмас. Россия ўзидан узоқлашишга қаратилган ҳар қандай кичик ишорани ҳам оғриқли қабул қилади ва бу жиддий муаммоларга олиб келиши мумкин. Яққол мисол - Украина.
Беларусь эса шу пайтгача шу тарзда Россиянинг жиғига тегиб, бундан у ёки бу масалада савдолашиш учун ишлатгани ва ҳар сафар сувдан қуруқ чиққанининг ўзи қизиқарли. Ҳозир эса вазият бошқача. Россия пропагандаси Путин Лукашенко билан ҳоккей пайтида "гаплашиб қўйгани" ҳақида бонг ураётганига қарамай, бу ҳеч қандай натижа бермаган.
Минскнинг бўйин эгмаётгани вазиятнинг анча кескин бўлиб туришини тахминлаяпти. Айниқса, Қрим қўшиб олиниши билан боғлиқ "биз зўрмиз" кайфияти деярли бутунлай тарқаб кетган, Путиннинг рейтинги деярли 30 фоизгача тушиб кетган, сиёсий тизим жиддий ўзгаришларга учраши кутилаётган бир пайтда Москва кичикроқ бўлса ҳам яна бир авантюрадан тап тортмаслиги ҳам мумкин.
Россия нафақат Евроосиё иқтисодий иттифоқи, балки бошқа кўплаб ташкилотлар билан боғланган, иттифоқ-давлат тузган энг яқин иттифоқчисига шундай босим ўтказишга уринаётган бир пайтда Москва бошчилигидаги интеграциядан иқтисодий манфаат эмас, ўз айтганини қилдирмагунча давом этадиган сиёсий босим кутиш мумкин.
Манба: @tashqaridaUZ «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Германияда мактаб ўқувчилари оммавий равишда ислом динини қабул қилмоқда
Ўзбекистонда ўтган уч ойда қанча автомобиль ишлаб чиқарилган?
Россия дунёдаги биринчи водород ёқилғили автомобилни тақдим этди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
Эрон президенти жиддий баёнот берди: «Исроилдан ҳеч нарса қолмайди»
Америкалик олимлар барча учун бирдек фойдали жисмоний фаоллик турини аниқлади
Қайси кундалик одатлар иммунитет пасайишига олиб келишини биласизми?
