Елена Костюченко Украинага Россиянинг «Новая газета» мухбири сифатида борган эди. Унинг Одесса, Херсон ва Николаев шаҳарларида тайёрланган репортажлари ушбу газетада цензура чекловлари билан эълон қилинган. Россия Федерацияси қонунчилигига риоя қилинганига қарамай, Бош прокуратура ва «Роскомнадзор» талаби билан матнлар ўчириб ташланган, «Новая газета» эса ўз ишини тўхтатишга мажбур бўлган.
«Новая газета. Европа» нашри учун махсус равишда Елена Костюченко Украинадаги урушда ўзи кўрган нарсалар ҳақида гапириб берди.
Мен Водников касалхонаси бош врачи Алла Павловна Малицкая билан суҳбатимни эслаб қолганман. Дастлаб у менга касалхонада йўқ нарсалар ҳақида, уч ҳафтадан кейин диализ учун сарф материаллари ва бошқа нарсалар тугаши ҳақида узоқ гапирди. Кейин унинг ёнига истило маъмурлари келиб унга қандайдир ёрдам кераклиги билан қизиққанини айтди. У: «Бизнинг ҳеч нарсага эҳтиёжимиз йўқ», — деб жавоб берган. Ундан нима учун бундай деганини сўрадим. У айтдики, Украина жиноят кодексида истилочилар билан бирга ишлаганлик, ҳамкорлик қилганлик учун модда бор экан. «Агар шундай модда бўлмаганида, олармидингиз?» — деб сўрадим. У барибир олмаган бўлишини айтди.
Сабаби билан қизиқдим. Айтишича, унинг оиласи Қримдаги бир қишлоқдан экан. Жуда қадимий, жуда украинча бир қишлоқ экан. У Херсонда яшаб, касалхонага раҳбарлик қилган, ота-онаси эса Қримда яшайверган. Истилодан кейин отаси вафот этган, у эса онасининг елкасига молиявий юк тушмаслиги учун Херсондан қабр тоши буюртма қилган. Қабр тошини у бир неча марта чегарадан олиб ўтишга уринган. Яъни Украина назорати остидаги ҳудуддан Россия назорати остидаги ҳудудга, Қримга. Ҳар сафар бу ёдгорлик учун рад жавоби олган. Гоҳ рухсатнома талаб қилишган, гоҳ 3,5 минг доллар ёки евро сўрашган. Ҳар сафар у бу қабр тоши билан Херсонга қайтиб келаверган. Охир-оқибат, онаси ҳам вафот этгач, уни энди Херсонга, отасидан алоҳида жойга дафн қилган. Энди эса унинг шаҳри ҳам истило остида қолди. Бу ҳикоя менга қаттиқ таъсир қилди.
Тропиних номидаги касалхона бош шифокори россиялик ҳарбийлар келиб, гоҳ у, гоҳ бу нарсани сўрагани ва касалхонада осилиб турган Украина байроғини олиб ташлашни талаб қилганини айтиб берганди. Кекса ёшдаги бош шифокор байроқни туширмаслигини айтган. Улар кечқурун қайтиб келишини, шунгача байроқ бўлмаслиги кераклигини тайинлаган. Сиз нима қилдингиз, деб сўрадим ундан. У эса тинч ва хотиржам ҳолатда деди: «Ҳеч нарса қилмадим. Кўрдингиз-ку: байроқ осилиб турибди — улар қайтиб келмади». Мана шу хотиржамлик — буни ҳатто мардлик деб ҳам бўлмайди, — балки шунчаки хотиржам туриб ўзини, «ўзиники»ни ҳимоя қилиш жуда ҳайратда қолдиради, албатта.
Давоми бор...
Новая газета, Елена Костюченко, Роскомнадзор, Цензура чекловлари, Украинадаги уруш Россия ва Украина уруши “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Трамп Путинга қўнғироқ қилиб, Украинадаги урушни муҳокама қилди
Фронтдаги вазият: Россия ҳарбийлари Курск областида қарши ҳужумга тайёрланмоқда
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Рақобат қўмитаси биржада Аи-80 бензини бошланғич нархига чеклов ўрнатди
Украина ҚК бош қўмондони: “Фронтдаги вазият мураккаб ва кескинлашиши мумкин”
Иммунитетни кўтариш учун 6 та энг яхши витамин
