“Реал Мадрид” ва Португалия терма жамоаси юлдузи Криштиану Роналду спортдаги фаолиятини кенгайтириб, аралаш жанг санъати (ММА) соҳасига киряпти. У яқинда WOW FC компаниясининг акциядори бўлишини эълон қилди.
Роналду ижтимоий тармоқдаги постида шундай ёзди: “Мен жуда катта янгиликни эълон қиламан: мен акциядорга айланяпман! Биз интизом, ҳурмат, чидамлилик ва мукаммалликка интилиш каби қадриятларни баҳам кўрамиз. WOW FC ноёб лойиҳа яратмоқда, мен эса унга қўшилиб, спортни ривожлантириш ва кейинги авлодни илҳомлантиришга ёрдам бераман”.
ММА жангчиси Илиа Топурия Роналдуни WOW FC оиласига кутиб олишини билдирди ва ижтимоий тармоқларда унга илиқ сўзлар йўллади. Бу хабар футбол ва ММА ихлосмандлари орасида катта қизиқиш уйғотди.
Криштиану Роналдунинг спорт бизнесидаги бу янги қадамини дунё миқёсида кузатишмоқда. Футболчининг қарори спортни ривожлантириш ва ёш авлодни рағбатлантириш мақсадида қилинган муҳим қадам сифатида қабул қилинмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
