Хитойнинг йирик техногиганти Alibaba Group 27 ноябрь куни ўзининг сунъий интеллектга эга илк ақлли кўзойнаги — Quark AI Glasses’ни намойиш этди. South China Morning Post ёзишича, кўзойнак икки моделдан иборат: функциялари кенгроқ С1 ва енгил G1.
Alibaba вице-президенти Ву Жианинг сўзларига кўра, ақлли кўзойнаклар “одам ва компьютер ўртасидаги мулоқотни янги босқичга кўтара оладиган қурилма”, шунинг учун унинг аҳамияти смартфонлардан кам эмас.
С1 модели 3799 юан (537 доллар)дан сотилади ва Snapdragon АР1 процессори, real-time таржима, тўлов, навигация ва интерактив ёрдамчи функцияларига эга. 1899 юанлик (268 доллар) G1 эса анча енгил ва асосий функцияларни сақлаган.
Янги Quark AI Glasses Meta’нинг Ray-Ban Display кўзойнаклари, шунингдек, Rokid ва Xiaomi қурилмаларига янги рақобатчи бўлади. Meta кўзойнаклари рангли дисплейга эга бўлса, Alibaba модели монохром яшил экран билан ишлайди.
Қурилма ҳозирча фақат Хитойда сотувга чиқарилган. Хорижий бозорга чиқариш режалари ҳақида маълумот берилмаган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
