Бир сичқон бир туянинг нўхтасини қучоқлаб, йўлга тушибди. Ғурури ичига сиғмас, ўз-ўзига:
— Тавба, шундай сарвар эканман-у, ўзим бехабар қолибман, а? Мен қандай жасур эканман-ку, баҳайбат туянинг нўхтасидан тутиб, тортиб келяпман, — деб гапирарди.
Шу вақт олдидан катта бир дарё чиқибди. Сичқон дарёни кўриши билан тўхтабди. Сувга шўнғиса, албатта, чўкиб ўларди. Туя сичқоннинг тўхтаганини кўриб, бақирибди:
— Тинчликми, дўстим, нега тўхтадинг? Тезроқ бўл, шу дарёга шўнғиб, қарши томонга ўтишимиз керак. Сен йўлбошловчимсан, тўхтамай, олға бос.
Сичқон уялибди. Ноилож бўйнини эгибди:
— Мен бу дарёдан қандай ўтаман? Кўрмаяпсанми, сув жуда чуқур…
— Қани, бир кўрайлик-чи, чуқурлиги қанча экан, — деб дарёга шўнғибди туя.
Сув бор-йўғи тиззасигача эди. Сичқонга:
— Ҳой, митти қўрқоқ, сув бор-йўғи тиззагача. Қани, бўлақол, — дебди.
Сичқон қўрқувдан титраганча туяга ёлвора бошлабди:
— Эй буюк устоз, тиззадан тиззанинг фарқи бор. Сенга тизза бўйи, аммо менинг устимдан юз аршин ошар.
Туя:
— Ундай бўлса, бундан кейин сурбетлик қилма. Сен ўзинг каби сичқонларга бош бўл. Туя билан сенинг нима ишинг бор? Қани, ўркачимга чиқ, сени ҳам, сендақаларнинг юзтасини ҳам қарши томонга ўтказиб қўяман, — деб бечора сичқонни устига олиб, дарёдан ўтишни бошлабди.
Манба: Hordiq.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: Махсус ҳарбий операция учун қуролларнинг аксарияти Россияда ишлаб чиқарилади
Кипр ҳукумати россиялик ва украиналик миллиардерларнинг «олтин» паспортларини олиб қўйди
Ўзбекистонда онкологик касалликка чалинган аёллар бепул даволанади
Вирус UFC ни дунёга танитди
Британияда 3 та ҳарбий база узра УУА парвози қайд этилди
"Пахтакор"нинг ўйини мутахассис нигоҳида: "Менимча, ғалаба учун эмас, бир очкони сақлаб қолиш учун ўйнади"
Асир: Украина аскарлари отишни интернетдаги видеолар ёрдамида ўрганишади
БААда исроиллик раввин ўлдирилиши юзасидан Ўзбекистон томони баёнот берди
