Вольфцбургга қарши кечган баҳсда Бавария ҳужумчиси Гарри Кейн ўзининг Бундеслигадаги 24 та муваффақиятли пеналтидан сўнг илк бор хатога йўл қўйди. Вазиятга рақиб ҳимоячиси Жеануел Белоцианнинг пеналти нуқтасини оёқлари билан атайлаб бузиб қўйгани сабаб бўлгани тахмин қилинмоқда. Бу ҳақда Goal.com хабар беради.
Учрашувдан сўнг ушбу ҳаракат "ифлос ҳийла"ми ёки ўйиннинг бир қисми деган савол қизғин муҳокамаларга сабаб бўлди. Вольфцбург футболчиси Патрикк Виммер бу каби усулларни қийин вазиятдаги жамоалар учун одатий ҳол деб атади, аммо Бавария вакиллари бунга кескин муносабат билдиришди.
Бавария ёш футболчиси Том Бисчоф бу ҳаракатни номақбул деб атаб, қандай вазият бўлишидан қатъи назар, фаир плай тамойилларига амал қилиш кераклигини таъкидлади. Жамоа дарвозабони Жонас Урбиг вазиятга хотиржам ёндашган бўлса-да, бош мураббий Винсент Компани икки томонлама фикр билдирди.
Винсент Компани рақибнинг бу қилиғини маъқулламаса-да, Вольфцбургнинг жон сақлаб қолиш учун курашаётганини тушунишини айтди. "Улар шунчаки таслим бўлишлари керакмиди?" дея савол ташлади мураббий вазиятга нисбатан вазминлик билан.
“Zamin”ни Telegram'да ўқинг!
